जेष्ठ अभिनेत्री शशीकला यांच्या ८८व्वा वर्षी निधन बॉलिवूड मध्ये शौक व्यक्त
पद्मश्री पुरस्कार ने सन्मानित, १०० पेक्षा जास्त चित्रपटात काम, व्ही शांताराम लाईफ टाईम अचिव्हमेंट पुरस्कार ने सन्मानित

मुंबई –दि ५ बॉलिवूडमधील ज्येष्ठ अभिनेत्री शशिकला (८८) यांचं आज मुंबईत राहत्या घरी निधन झालं. फिल्मफेअरचे संपादक जितेश पिल्लई यांनी सोशल मीडियावर पोस्ट करत ही बातमी शेअर केली आहे.


शशिकला यांचं पूर्ण नाव शशिकला जावळकर असं होतं. त्यांचा जन्म ४ ऑगस्ट १९३२ रोजी सोलापुरात झाला होता. ७० व्या दशकात त्यांनी मुख्य अभिनेत्री आणि खलनायिका अशा दोन्ही प्रकारच्या भूमिका त्यांनी साकारल्या होत्या.त्यांनी तब्बल १०० चित्रपटांमध्ये काम केलं.


एकापेक्षा एक नावाजलेल्या व श्रेष्ठ निर्मात्यांकडे त्यांनी काम केलं यात ‘नौ दो ग्यारह’, ‘कानुन’, ‘जंगली’, ‘हरियाली और रास्ता’, ‘अनपढ’, ‘यह रास्ते हैं प्यार के’, ‘वक्त’, ‘देवर’, ‘अनुपमा’, ‘नीलकमल’, ‘तीन बहुरानियाँ’, ‘हमजोली’, ‘सरगम’, ‘क्रांती’, ‘रॉकी’, ‘बादशहा’, ‘कभी खुशी कभी गम’, ‘चोरी चोरी’ (२००३) इत्यादी. शशिकलाने २००५ पर्यंत चित्रपटांत कामे केलीत.


२००७ साली भारत सरकारने शशिकला यांच्या सिनेमातील योगदानासाठी ‘पद्मश्री’ किताबाने गौरविलं, तसंच २००९ साली व्ही. शांताराम लाईफ टाईम अचिव्हमेंट अवार्डही त्यांना प्रदान करण्यात आला होता.

YOUR REACTION?